Realshayari

Category: Shayar

  • Aaj Yun Mauj-Dar-Mauj Gham Tham Gaya Is Tarah Gham-Zadon Ko Qarar Aa Gaya

    Aaj Yun Mauj-Dar-Mauj Gham Tham Gaya Is Tarah Gham-Zadon Ko Qarar Aa Gaya

    Aaj yuuñ mauj-dar-mauj ġham tham gayā is tarah Gam-zadoñ ko qarār aa gayā

    Jaise ḳhush-bū-e-zulf-e-bahār aa ga.ī jaise paiġhām-e-dīdār-e-yār aa gayā

    Jis kī dīd-o-talab vahm samjhe the ham rū-ba-rū phir sar-e-Rahguzār aa gayā

    Sub.h-e-fardā ko phir dil tarasne lagā umr-e-rafta tirā e’tibār aa gayā

    Rut badalne lagī rañg-e-dil dekhnā rañg-e-gulshan se ab haal khultā nahīñ

    Zaḳhm chhalkā koī yā koī gul khilā ashk umDe ki abr-e-bahār aa gayā

    Khūn-e-ushshāq se jaam bharne lage dil sulagne lage Daaġh jalne lage

    Mahfil-e-dard phir rañg par aa ga.ī phir Shab-e-Arzū par nikhār aa gayā

    Sarfaroshī ke andāz badle ga.e dāvat-e-qatl par maqtal-e-shahr meñ

    Daal kar koī gardan meñ tauq aa gayā laad kar koī kāñdhe pe daar aa gayā

    ‘Faiz’ kyā jāniye yaar kis aas par muntazir haiñ ki lā.egā koī ḳhabar

    Mai-kashoñ par huā Mohtasib mehrbāñ dil-Figāroñ pe qātil ko pyaar aa gayā

  • Aae Kuchh Abr Kuchh Sharab Aae

    Aae Kuchh Abr Kuchh Sharab Aae

    Aa.e kuchh abr kuchh Sharāb aa.e

    Is ke ba.ad aa.e jo Azaab aa.e

    Bām-e-mīnā se Māhtāb utre

    Dast-e-sāqī meñ Aftāb aa.e

    Har rag-e-ḳhūñ meñ phir charāġhāñ ho

    Sāmne phir vo be-naqāb aa.e

    Umr ke har varaq pe dil kī Nazar

    Terī mehr-o-vafā ke baab aa.e

    Kar rahā thā ġham-e-jahāñ kā Hisāb

    Aaj tum yaad be-hisāb aa.e

    Na ga.ī tere ġham kī sardārī

    Dil meñ yuuñ roz inqalāb aa.e

    Jal uThe bazm-e-ġhair ke dar-o-bām

    Jab bhī ham ḳhānumāñ-ḳharāb aa.e

    Is tarah apnī ḳhāmushī gūñjī

    Goyā har samt se javāb aa.e

    ‘Faiz’ thī raah sar-ba-sar manzil

    Ham jahāñ pahuñche kāmyāb aa.e

  • Tu Dost Kisu Ka Bhi Sitamgar Na Hua Tha

    Tu Dost Kisu Ka Bhi Sitamgar Na Hua Tha

    Tū dost kisū kā bhī sitamgar na huā thā

    Auroñ pe hai vo zulm ki mujh par na huā thā

     

    ChhoḌā mah-e-naḳhshab kī tarah dast-e-qazā ne

    Khurshīd hunūz us ke barābar na huā thā

     

    Taufīq ba-andāza-e-himmat hai azal se

    Añkhoñ meñ hai vo qatra ki gauhar na huā thā

     

    Jab tak ki na dekhā thā qad-e-yār kā aalam

    Maiñ mo’taqid-e-fitna-e-mahshar na huā thā

     

    Maiñ sāda-dil āzurdagi-e-yār se ḳhush huuñ

    Yaanī sabaq-e-shauq mukarrar na huā thā

     

    Dariyā-e-ma.āsī tunuk-ābī se huā ḳhushk

    Merā sar-e-dāman bhī abhī tar na huā thā

     

    Jaarī thī ‘asad’ dāġh-e-jigar se mirī tahsīl

    Atish-kada jāgīr-e-samundar na huā thā

  • Taskin Ko Hum Na Roen Jo Zauq-e-Nazar Mile

    Taskin Ko Hum Na Roen Jo Zauq-e-Nazar Mile

    Taskīñ ko ham na ro.eñ jo zauq-e-nazar mile

    Hūrān-e-ḳhuld meñ tirī sūrat magar mile

     

    Apnī galī meñ mujh ko na kar dafn bād-e-qatl

    Mere pate se ḳhalq ko kyuuñ terā ghar mile

     

    Sāqī-garī kī sharm karo aaj varna ham

    Har shab piyā hī karte haiñ mai jis qadar mile

     

    Tujh se to kuchh kalām nahīñ lekin ai nadīm

    Merā salām kahiyo agar nāma-bar mile

     

    Tum ko bhī ham dikhā.eñ ki majnūñ ne kyā kiyā

    Fursat kashākash-e-ġham-e-pinhāñ se gar mile

     

    Lāzim nahīñ ki ḳhizr kī ham pairvī kareñ

    Jaanā ki ik buzurg hameñ ham-safar mile

     

    Ai sākinān-e-kucha-e-dildār dekhnā

    Tum ko kahīñ jo ‘ġhālib’-e-āshufta-sar mile

  • Taghaful-Dost Hun Mera Dimagh-e-Ajz Aali Hai

    Taghaful-Dost Hun Mera Dimagh-e-Ajz Aali Hai

    Taġhāful-dost huuñ merā dimāġh-e-ajz aalī hai

    Agar pahlū-tahī kiije to jā merī bhī ḳhālī hai

    Rahā ābād aalam ahl-e-himmat ke na hone se

    Bhare haiñ jis qadar jām-o-subū mai-ḳhāna ḳhālī hai

  • Ta Hum Ko Shikayat Ki Bhi Baqi Na Rahe Ja

    Ta Hum Ko Shikayat Ki Bhi Baqi Na Rahe Ja

    Tā ham ko shikāyat kī bhī baaqī na rahe jā

    Sun lete haiñ go zikr hamārā nahīñ karte

    ‘Ghālib’ tirā ahvāl sunā deñge ham un ko

    Vo sun ke bulā leñ ye ijārā nahīñ karte

  • Sab Kahan Kuchh Lala-O-Gul Mein Numayan Ho Gain

    Sab Kahan Kuchh Lala-O-Gul Mein Numayan Ho Gain

    Sab kahāñ kuchh lāla-o-gul meñ numāyāñ ho ga.iiñ

    Khaak meñ kyā sūrateñ hoñgī ki pinhāñ ho ga.iiñ

    Yaad thiiñ ham ko bhī rañgā-rañg bazm-ārā.īyāñ

    Lekin ab naqsh-o-nigār-e-tāq-e-nisyāñ ho ga.iiñ

    Thiiñ banāt-un-nāsh-e-gardūñ din ko parde meñ nihāñ

    Shab ko un ke jī meñ kyā aa.ī ki uryāñ ho ga.iiñ

    Qaid meñ yāqūb ne lī go na yūsuf kī ḳhabar

    Lekin āñkheñ rauzan-e-dīvār-e-zindāñ ho ga.iiñ

    Sab raqīboñ se hoñ nā-ḳhush par zanān-e-misr se

    Hai zuleḳhā ḳhush ki mahv-e-māh-e-kan.āñ ho ga.iiñ

    Jū-e-ḳhūñ āñkhoñ se bahne do ki hai shām-e-firāq

    Maiñ ye samjhūñgā ki sham.eñ do farozāñ ho ga.iiñ

    In parī-zādoñ se leñge ḳhuld meñ ham intiqām

    Qudrat-e-haq se yahī hūreñ agar vaañ ho ga.iiñ

    Niiñd us kī hai dimāġh us kā hai rāteñ us kī haiñ

    Terī zulfeñ jis ke baazū par pareshāñ ho ga.iiñ

    Maiñ chaman meñ kyā gayā goyā dabistāñ khul gayā

    Bulbuleñ sun kar mire naale ġhazal-ḳhvāñ ho ga.iiñ

    Vo nigāheñ kyuuñ huī jaatī haiñ yā-rab dil ke paar

    Jo mirī kotāhī-e-qismat se mizhgāñ ho ga.iiñ

    Bas-ki rokā maiñ ne aur siine meñ ubhrīñ pai-ba-pai

    Merī aaheñ baḳhiya-e-chāk-e-garebāñ ho ga.iiñ

    Vaañ gayā bhī maiñ to un kī gāliyoñ kā kyā javāb

    Yaad thiiñ jitnī duā.eñ sarf-e-darbāñ ho ga.iiñ

    Jāñ-fazā hai baada jis ke haath meñ jaam aa gayā

    Sab lakīreñ haath kī goyā rag-e-jāñ ho ga.iiñ

    Ham muvahhid haiñ hamārā kesh hai tark-e-rūsūm

    Millateñ jab miT ga.iiñ ajzā-e-īmāñ ho ga.iiñ

    Rañj se ḳhūgar huā insāñ to miT jaatā hai rañj

    Mushkileñ mujh par paḌīñ itnī ki āsāñ ho ga.iiñ

    Yuuñ hī gar rotā rahā ‘ġhālib’ to ai ahl-e-jahāñ

    Dekhnā in bastiyoñ ko tum ki vīrāñ ho ga.iiñ

  • Shumar-E-Subha Marghub-E-But-E-Mushkil-Pasand Aaya

    Shumar-E-Subha Marghub-E-But-E-Mushkil-Pasand Aaya

    Shumār-e-sub.ha marġhūb-e-but-e-mushkil-pasand aayā

    Tamāshā-e-ba-yak-kaf burdan-e-sad-dil-pasand aayā

    Ba-faiz-e-be-dilī naumīdi-e-jāved āsāñ hai

    Kushāyish ko hamārā uqda-e-mushkil-pasand aayā

    Havā-e-sair-e-gul ā.īna-e-be-mehri-e-qātil

    Ki andāz-e-ba-ḳhūñ-ġhaltīdan-e-bismil-pasand aayā

    Ravānī-hā-e-mauj-e-ḳhūn-e-bismil se Tapaktā hai

    Ki lutf-e-be-tahāshā-raftan-e-qātil-pasand aayā

    ‘Asad’ har jā suḳhan ne tarh-e-bāġh-e-tāza Daalī hai

    Mujhe rañg-e-bahār-ījādi-e-be-dil-pasand aayā

  • Dost Ban Kar Bhi Nahin Sath Nibhane Wala

    Dost Ban Kar Bhi Nahin Sath Nibhane Wala

     

     

    dost ban kar bhī nahīñ saath nibhāne vaalā

    vahī andāz hai zālim kā zamāne vaalā

    ab use log samajhte haiñ giraftār mirā

    saḳht nādim hai mujhe daam meñ laane vaalā

    sub.h-dam chhoḌ gayā nik.hat-e-gul kī sūrat

    raat ko ġhuncha-e-dil meñ simaT aane vaalā

    kyā kaheñ kitne marāsim the hamāre us se

    vo jo ik shaḳhs hai muñh pher ke jaane vaalā

    tere hote hue aa jaatī thī saarī duniyā

    aaj tanhā huuñ to koī nahīñ aane vaalā

    muntazir kis kā huuñ TuuTī huī dahlīz pe maiñ

    kaun aa.egā yahāñ kaun hai aane vaalā

    kyā ḳhabar thī jo mirī jaañ meñ ghulā hai itnā

    hai vahī mujh ko sar-e-dār bhī laane vaalā

    maiñ ne dekhā hai bahāroñ meñ chaman ko jalte

    hai koī ḳhvāb kī tābīr batāne vaalā

    tum takalluf ko bhī iḳhlās samajhte ho ‘Farāz’

    dost hotā nahīñ har haath milāne vaalā

  • Dil-Girafta Hi Sahi Bazm Saja Li Jae

    Dil-Girafta Hi Sahi Bazm Saja Li Jae

    Dil-girafta hī sahī bazm sajā lī jaa.e

    Yād-e-jānāñ se koī shaam na ḳhālī jaa.e

    Rafta rafta yahī zindāñ meñ badal jaate haiñ

    Ab kisī shahr kī buniyād na Daalī jaa.e

    Mus.haf-e-ruḳh hai kisī kā ki bayāz-e-hāfiz

    Aise chehre se kabhī faal nikālī jaa.e

    Vo muravvat se milā hai to jhukā duuñ gardan

    Mere dushman kā koī vaar na ḳhālī jaa.e

    Be-navā shahr kā saaya hai mire dil pe ‘Farāz’

    Kis tarah se mirī āshufta-ḳhayālī jaa.e