Realshayari

Author: admin

  • Bas-Ki Dushwar Hai Har Kaam Ka Aasan Hona

    Bas-Ki Dushwar Hai Har Kaam Ka Aasan Hona

    Bas-ki dushvār hai har kaam kā āsāñ honā

    Aadmī ko bhī mayassar nahīñ insāñ honā

    Girya chāhe hai ḳharābī mire kāshāne kī

    Dar o dīvār se Tapke hai bayābāñ honā

    Vā-e-dīvāngi-e-shauq ki har dam mujh ko

    Aap jaanā udhar aur aap hī hairāñ honā

    Jalva az-bas-ki taqāzā-e-nigah kartā hai

    Jauhar-e-ā.ina bhī chāhe hai mizhgāñ honā

    Ishrat-e-qatl-gah-e-ahl-e-tamannā mat pūchh

    Id-e-nazzāra hai shamshīr kā uryāñ honā

    Le ga.e ḳhaak meñ ham dāġh-e-tamannā-e-nashāt

    Tū ho aur aap ba-sad-rañg-e-gulistāñ honā

     

    Ishrat-e-pāra-e-dil zaḳhm-e-tamannā khānā

    Lazzat-e-rīsh-e-jigar ġharq-e-namak-dāñ honā

    Kī mire qatl ke ba.ad us ne jafā se tauba

    Haa.e us zūd-pashīmāñ kā pashemāñ honā

     

    Haif us chaar girah kapḌe kī qismat ‘ġhālib’

    Jis kī qismat meñ ho āshiq kā garebāñ honā

  • Ba-Nala Hasil-e-Dil-Bastagi Faraham Kar

    Ba-Nala Hasil-e-Dil-Bastagi Faraham Kar

    Ba-nāla hāsil-e-dil-bastagī Farāham kar

    Matā-e-ḳhāna-e-zanjīr juz sadā malūm

    Ba-qadr-e-hausla-e-ishq jalva-rezī hai

    Vagarna ḳhāna-e-ā.īna kī fazā malūm

    ‘Asad’ farefta-e-intiḳhāb-e-tarz-e-Jafā

    Vagarna dilbarī-e-vāda-e-vafā malūm

  • Bala Se Hain Jo Ye Pesh-E-Nazar Dar-O-Diwar

    Bala Se Hain Jo Ye Pesh-E-Nazar Dar-O-Diwar

    Balā se haiñ jo ye pesh-e-nazar dar-o-Dīvār

    Nigāh-e-shauq ko haiñ bāl-o-par dar-o-Dīvār

    Vufūr-e-ashk ne kāshāne kā kiyā ye Rañg

    Ki ho ga.e mire dīvār-o-dar dar-o-Dīvār

    Nahīñ hai saaya ki sun kar naved-e-Maqdam-e-yār

    Ga.e haiñ chand qadam pesh-tar dar-o-Dīvār

    Huī hai kis qadar arzāni-e-mai-e-jalva

    Ki mast hai tire kūche meñ har dar-o-Dīvār

    Jo hai tujhe sar-e-saudā-e-intizār to Aa

    Ki haiñ dukān-e-matā-e-nazar dar-o-Dīvār

    Hujūm-e-girya kā sāmān kab kiyā maiñ ne

    Ki gir paḌe na mire paañv par dar-o-Dīvār

    Vo aa rahā mire ham-sā.e meñ to saa.e se

    Hue fidā dar-o-dīvār par dar-o-dīvār

    Nazar meñ khaTke hai bin tere ghar kī Abādī

    Hamesha rote haiñ ham dekh kar dar-o-Dīvār

    Na pūchh be-ḳhudi-e-aish-e-maqdam-e-sailāb

    Ki nāchte haiñ paḌe sar-ba-sar dar-o-dīvār

    Na kah kisī se ki ‘ġhālib’ nahīñ zamāne meñ

    Harīf-e-rāz-e-mohabbat magar dar-o-dīvār….

  • Bahut Sahi Gham-E-Giti Sharab Kam Kya Hai

    Bahut Sahi Gham-E-Giti Sharab Kam Kya Hai

    Bahut sahī ġham-e-gītī sharāb kam kyā hai

    Ghulām-e-sāqi-e-kausar huuñ mujh ko ġham kyā hai

    Tumhārī tarz-o-ravish jānte haiñ ham kyā hai

    Raqīb par hai agar lutf to sitam kyā hai

    Suḳhan meñ ḳhāma-e-ġhālib kī ātish-Afshānī

    Yaqīñ hai ham ko bhī lekin ab us meñ Dam kyā hai

    KaTe to shab kaheñ kaaTe to saañp kahlāve

    Koī batāo ki vo zulf-e-ḳham-ba-ḳham kyā hai

    Likhā kare koī ahkām-e-tāla-e-Maulūd

    Kise ḳhabar hai ki vaañ jumbish-e-Qlam kyā hai

    Na hashr-o-nashr kā qaa.el na kesh o millat kā

    Khudā ke vāste aise kī phir qasam kyā hai

    Vo dād-o-dīd garāñ-māya shart hai Hamdam

    Vagarna mehr-e-sulaimān-o-jām-e-jam kyā hai….

  • Bagh Pa Kar Khafaqani Ye Darata Hai Mujhe

    Bagh Pa Kar Khafaqani Ye Darata Hai Mujhe

    Baaġh pā kar ḳhafaqānī ye Darātā hai mujhe

    Sāya-e-shāḳh-e-gul af.ī Nazar aatā hai mujhe

    Jauhar-e-teġh ba-sar-chashma-e-dīgar mālūm

    Huuñ maiñ vo sabza ki zahrāb ugātā hai mujhe

    Mudda.ā mahv-e-tamāshā-e-shikast-e-Dil hai

    Aaina-ḳhāna meñ koī liye jaatā hai mujhe

    Nanala sarmāya-e-yak-Alam o Aalam kaf-e-ḳhāk

    Asmāñ baiza-e-quamrī Nazar aatā hai mujhe

    Zindagī meñ to vo mahfil se uthā dete the

    Dekhūñ ab mar ga.e par kaun uthātā hai mujhe

    Baaġh tujh bin gul-e-nargis se Darātā hai mujhe

    Chāhūñ gar sair-e-chaman Aañkh dikhātā hai mujhe

    Shor-e-timsāl hai kis Rashk-e-Chaman kā yā rab

    Aa.ina baiza-e-bulbul Nazar aatā hai mujhe

    Hairat-e-ā.ina anjām-e-junūñ huuñ jyuuñ sham.a

    Kis qadar dāġh-e-Jigar Shola uThātā hai mujhe

    Maiñ huuñ aur hairat-e-jāved magar zauq-e-ḳhayāl

    Ba-fusūn-e-nigah-e-nāz satātā hai mujhe

    Hairat-e-fikr-e-suḳhan sāz-e-salāmat hai ‘asad’

    Dil pas-e-zānū-e-Aā.īna biThātā hai mujhe…

  • Az-Mehr Ta-Ba-Zarra Dil-O-Dil Hai Aaina

    Az-Mehr Ta-Ba-Zarra Dil-O-Dil Hai Aaina

    Az-Mehr Tā-Ba-Zarra Dil-O-Dil Hai Aaina

    Tuutī ko shash-jihat se muqābil hai Aaina

    Hairat hujūm-e-lazzat-e-ġhaltānī-e-Tapish

    Sīmāb-e-bālish o kamar-e-dil hai Aaina

    Ghaflat ba-bāl-e-jauhar-e-shamshīr par-fishāñ

    Yaañ pusht-e-chashm-e-shoḳhī-e-qātil hai Aaina

    Hairat-nigāh-e-barq-e-tamāshā bahār-e-shoḳh

    Dar-parda-e-havā par-e-bismil hai Aaina

    Yaañ rah ga.e haiñ nāḳhun-e-tadbīr TuuT kar

    Jauhar-tilism-e-uqda-e-mushkil hai Aaina

    Ham-zānū-e-ta.ammul o ham-jalva-gāh-e-gul

    Aaīna-band ḳhalvat-o-mahfil hai aa.ina

    Dil kār-gāh-e-fikr o ‘asad’ be-navā-e-dil

    Yaañ sañg-e-āstāna-e-‘bedil’ hai Aaina

  • Asad Hum Wo Junun-Jaulan Gada-E-Be-Sar-O-Pa Hain

    Asad Hum Wo Junun-Jaulan Gada-E-Be-Sar-O-Pa Hain

    ‘Asad’ ham vo junūñ-jaulāñ gadā-e-be-sar-o-pā haiñ

    Ki hai sar-panja-e-mizhgān-e-āhū pusht-ḳhār Apnā

  • Arz-E-Niyaz-E-Ishq Ke Qabil Nahin Raha

    Arz-E-Niyaz-E-Ishq Ke Qabil Nahin Raha

    Arz-e-niyāz-e-ishq ke qābil nahīñ rahā

    Jis dil pe naaz thā mujhe vo dil nahīñ rahā

    Jaatā huuñ dāġh-e-hasrat-e-hastī liye hue

    Huuñ sham-e-kushta dar-ḳhur-e-mahfil nahīñ rahā

    Marne kī ai dil aur hī tadbīr kar ki maiñ

    Shāyān-e-dast-o-bāzū-e-qātil nahīñ rahā

    Bar-rū-e-shash-jahat dar-e-ā.īna baaz hai

    Yaañ imtiyāz-e-nāqis-o-kāmil nahīñ rahā

     

    Vā kar diye haiñ shauq ne band-e-naqāb-e-husn

    Ghair-az-nigāh ab koī haa.il nahīñ rahā

    Go maiñ rahā rahīn-e-sitam-hā-e-rozgār

    Lekin tire ḳhayāl se ġhāfil nahīñ rahā

    Dil se havā-e-kisht-e-vafā miT ga.ī ki vaañ

    Hāsil sivā.e hasrat-e-hāsil nahīñ rahā

    Bedād-e-ishq se nahīñ Dartā magar ‘asad’

    Jis dil pe naaz thā mujhe vo dil nahīñ rahā

    Har-chand maiñ huuñ tūti-e-shīrīñ-suḳhan vale

    Aīna aah mere muqābil nahīñ rahā

    Jāñ-dād-gāñ kā hausla fursat-gudāz hai

    Yaañ arsa-e-tapīdan-e-bismil nahīñ rahā

    Huuñ qatra-zan ba-vādī-e-hasrat shabāna roz

    Juz tār-e-ashk jāda-e-manzil nahīñ rahā

     

    Ai aah merī ḳhātir-e-vābasta ke sivā

    Duniyā meñ koī uqda-e-mushkil nahīñ rahā

    Andāz-e-nāla yaad haiñ sab mujh ko par ‘asad’

    Jis dil pe naaz thā mujhe vo dil nahīñ rahā

  • Arz-E-Naz-E-Shokhi-E-Dandan Barae-Khanda Hai

    Arz-E-Naz-E-Shokhi-E-Dandan Barae-Khanda Hai

    Arz-e-nāz-e-shoḳhi-e-dandāñ barā.e-ḳhanda hai

    Dāvā-e-jamiyat-e-ahbāb jā-e-ḳhanda hai

    Hai adam meñ ġhuncha mahv-e-ibrat-e-anjām-e-gul

    Yak-jahāñ zaanū ta.ammul dar-qafā-e-ḳhanda hai

    आप इस शायरी को भी पढ़ना चाहोगे:  Shikwe Ke Nam Se Be-Mehr Khafa Hota Hai

    Kulfat-e-afsurdagī ko aish-e-betābī harām

    Varna dandāñ dar dil afshurdan binā-e-ḳhanda hai

    Shorish-e-bātin ke haiñ ahbāb munkir varna yaañ

    Dil muhīt-e-girya o lab āshnā-e-ḳhanda hai

    Khud-faroshī-hā-e-hastī bas-ki jā-e-ḳhanda hai

    Har shikast-e-qīmat-e-dil meñ sadā-e-ḳhanda hai

    Naqsh-e-ibrat dar nazar yā naqd-e-ishrat dar bisāt

    Do-jahāñ vus.at ba-qadr-e-yak-fa.zā-e-ḳhanda hai

    Jā-e-istihzā hai ishrat-koshi-e-hastī ‘asad’

    Sub.h o shabnam fursat-e-nashv-o-numā-e-ḳhanda hai

  • Ajab Nashat Se Jallad Ke chale Hain Hum Aage

    Ajab Nashat Se Jallad Ke chale Hain Hum Aage

    Ajab nashāt se jallād ke chale haiñ ham aage

    Ki apne saa.e se sar paañv se hai do qadam aage

    Qazā ne thā mujhe chāhā ḳharāb-e-bāda-e-Ulfat

    faqat ḳharāb likhā bas na chal sakā qalam aage

    Gham-e-zamāna ne jhāḌī Nashāt-e-ishq kī mastī

    Vagarna ham bhī uThāte the Lazzat-e-alam aage

    Khudā ke vāste daad us junūn-e-shauq kī denā

    Ki us ke dar pe pahuñchte haiñ nāma-bar se ham aage

    Ye umr bhar jo pareshāniyāñ uThā.ī haiñ ham ne

    Tumhāre aa.iyo ai turrah-hā-e-ḳham-ba-ḳham aage

    Dil o jigar meñ pur-afshāñ jo ek mauja-e-ḳhūñ hai

    Ham apne zom meñ samjhe hue the us ko dam aage

    Qasam janāze pe aane kī mere khāte haiñ ‘Ghālib’

    Hamesha khāte the jo merī jaan kī Qasam aage…