Afsos ki dandāñ kā kiyā Rizq Falak ne
Jin logoñ kī thī Dar-ḳhur-e-aqd-e-Guhar añgusht
Kaafī hai nishānī Tirā chhalle kā na denā
Khālī mujhe dikhlā ke ba-vaqt-e-safar añgusht
Likhtā huuñ ‘asad’ sozish-e-dil se suḳhan-e-Garm
Tā rakh na sake koī mire harf par Añgusht…
Aamad-e-sailāb-e-tūfān-e-sadā-e-āb hai
Naqsh-e-pā jo kaan meñ rakhtā hai uñglī jaada se
Bazm-e-mai vahshat-kada hai kis kī chashm-e-mast kā
Shīshe meñ nabz-e-parī pinhāñ hai mauj-e-bāda se
Dekhtā huuñ vahshat-e-shauq-e-ḳharosh-āmāda se
Fāl-e-rusvā.ī sirishk-e-sar-ba-sahrā-dāda se
Daam gar sabze meñ pinhāñ kījiye tā.ūs ho
Josh-e-nairañg-e-bahār arz-e-sahrā-dāda se
Khema-e-lailā siyāh o ḳhāna-e-majnūñ ḳharāb
Josh-e-vīrānī hai ishq-e-dāġh-e-bairūñ-dāda se
Bazm-e-hastī vo tamāshā hai ki jis ko ham ‘asad’
Dekhte haiñ chashm-e-az-ḳhvāb-e-adam-nakushāda se….
Amad-e-ḳhat se huā hai sard jo bāzār-e-Dost
Dūd-e-sham-e-kushta thā shāyad ḳhat-e-ruḳhsār-e-Dost
Ai dil-e-nā-āqibat-andesh zabt-e-shauq kar
Kaun lā saktā hai tāb-e-jalva-e-dīdār-e-Dost
Sūrat-e-naqsh-e-qadam huuñ rafta-e-raftār-e-Dost
Ishq meñ bedād-e-rashk-e-ġhair ne maarā mujhe
Kushta-e-dushman huuñ āḳhir garche thā bīmār-e-Dost
Chashm-e-mā raushan ki us bedard kā dil shaad hai
Dīda-e-pur-ḳhūñ hamārā sāġhar-e-sarshār-e-Dost
Ghair yuuñ kartā hai merī pursish us ke hijr meñ
Be-takalluf dost ho jaise koī ġham-ḳhvār-e-dost
Taaki maiñ jānūñ ki hai us kī rasā.ī vaañ talak
Mujh ko detā hai payām-e-vāda-e-dīdār-e-dost
Jab ki maiñ kartā huuñ apnā shikva-e-zof-e-dimāġh
Sar kare hai vo hadīs-e-zulf-e-ambar-bār-e-dost
Chupke chupke mujh ko rote dekh paatā hai agar
Hañs ke kartā hai bayān-e-shoḳhī-e-guftār-e-dost
Mehrbānī-hā-e-dushman kī shikāyat kījiye
Tā bayāñ kiije sipās-e-lazzat-e-āzār-e-dost
Ye ġhazal apnī mujhe jī se pasand aatī hai aap
Hai radīf-e-sher meñ ‘ġhālib’ zi-bas takrār-e-Dost
Chashm-e-band-e-ḳhalq juz timsāl-e-ḳhud-bīnī nahīñ
Aīna hai qālib-e-ḳhisht-e-dar-o-dīvār-e-Dost
Barq-e-ḳhirman-zār gauhar hai nigāh-e-tez yaañ
Ashk ho jaate haiñ ḳhushk az-garmī-e-raftār-e-Dost
Hai savā neze pe us ke qāmat-e-nau-ḳhez se
Aftāb-e-sub.h-e-mahshar hai gul-e-dastār-e-Dost
Ai adū-e-maslahat chand ba-zabt afsurda rah
Kardanī hai jam.a tāb-e-shoḳhī-e-dīdār-e-Dost
Laġhzishat-e-mastāna o josh-e-tamāshā hai ‘asad’
Atish-e-mai se bahār-e-garmī-e-bāzār-e-Dost…
Aabrū kyā ḳhaak us gul kī ki gulshan meñ nahīñ
Hai garebāñ nañg-e-pairāhan jo dāman meñ nahīñ
Zof se ai girya kuchh baaqī mire tan meñ nahīñ
Rañg ho kar uḌ gayā jo ḳhuuñ ki dāman meñ nahīñ
Ho ga.e haiñ jamā ajzā-e-nigāh-e-āftāb
Zarre us ke ghar kī dīvāroñ ke rauzan meñ nahīñ
Kyā kahūñ tārīki-e-zindān-e-ġham andher hai
Pamba nūr-e-sub.h se kam jis ke rauzan meñ nahīñ
Raunaq-e-hastī hai ishq-e-ḳhāna vīrāñ saaz se
Anjuman be-shamā hai gar barq ḳhirman meñ nahīñ
Zaḳhm silvāne se mujh par chārā-juī kā hai taan
Ghair samjhā hai ki lazzat zaḳhm-e-sozan meñ nahīñ
Bas-ki haiñ ham ik bahār-e-nāz ke maare hue
Jalva-e-gul ke sivā gard apne madfan meñ nahīñ
Qatra qatra ik hayūlā hai na.e nāsūr kā
Khuuñ bhī zauq-e-dard se fāriġh mire tan meñ nahīñ
Le ga.ī saaqī kī naḳhvat qulzum-āshāmī mirī
Mauj-e-mai kī aaj rag miinā kī gardan meñ nahīñ
Ho fishār-e-zof meñ kyā nā-tavānī kī numūd
Qad ke jhukne kī bhī gunjā.ish mire tan meñ nahīñ
Thī vatan meñ shaan kyā ‘ġhālib’ ki ho ġhurbat meñ qadr
Be-takalluf huuñ vo musht-e-ḳhas ki gulḳhan meñ nahīñ…..
Añkhoñ se hayā Tapke hai andāz to dekho
Hai bul-havasoñ par bhī sitam naaz to dekho
Us but ke liye maiñ havas-e-hūr se guzrā
Is ishq-e-ḳhush-anjām kā āġhāz to dekho
Chashmak mirī vahshat pe hai kyā hazrat-e-nāseh
Tarz-e-nigah-e-chashm-e-fusūñ-sāz to dekho
Arbāb-e-havas haar ke bhī jaan pe khele
Kam-tāla.i-e-āshiq-e-jāñ-bāz to dekho
Majlis meñ mire zikr ke aate hī uThe vo
Badnāmi-e-ushshāq kā e.azāz to dekho
Mahfil meñ tum aġhyār ko duz-dīda nazar se
Manzūr hai pinhāñ na rahe raaz to dekho
Us ġhairat-e-nāhīd kī har taan hai dīpak
Sho.ala sā lapak jaa.e hai āvāz to dekho
Deñ pāki-e-dāman kī gavāhī mire aañsū
Us yūsuf-e-bedard kā e.ajāz to dekho
Jannat meñ bhī ‘momin’ na milā haa.e butoñ se
Jaur-e-ajal-e-tafraqa-pardāz to dekho….
AahaT sī koī aa.e to lagtā hai ki tum ho
Saaya koī lahrā.e to lagtā hai ki tum ho
Jab shāḳh koī haath lagāte hī chaman meñ
Sharmā.e lachak jaa.e to lagtā hai ki tum ho
Sandal se mahaktī huī pur-kaif havā kā
Jhoñkā koī Takrā.e to lagtā hai ki tum ho
Odhe hue tāroñ kī chamaktī huī chādar
Naddī koī bal khaa.e to lagtā hai ki tum ho
Jab raat ga.e koī kiran mere barābar
Chup-chāp sī so jaa.e to lagtā hai ki tum ho….
Aah ko chāhiye ik umr asar hote tak
Kaun jiitā hai tirī zulf ke sar hote tak
Partav-e-ḳhur se hai shabnam ko fanā kī ta.alīm
Maiñ bhī huuñ ek ināyat kī nazar hote tak
Yak nazar besh nahīñ fursat-e-hastī ġhāfil
Garmī-e-bazm hai ik raqs-e-sharar hote tak
Gham-e-hastī kā ‘asad’ kis se ho juz marg ilaaj
Sham.a har rañg meñ jaltī hai sahar hote tak,,
Aae kuchh abr kuchh sharāb Aae
Is ke ba.ad aa.e jo azaab Aae
Bām-e-mīnā se māhtāb utre
Dast-e-sāqī meñ āftāb aae
Har rag-e-ḳhūñ meñ phir charāġhāñ ho
Sāmne phir vo be-naqāb Aae
Umar ke har varaq pe dil kī Nazar
Terī mehr-o-vafā ke baab Aae
Kar rahā thā ġham-e-jahāñ kā Hisāb
Aaj tum yaad be-hisāb Aae
Na ga.ī tere ġham kī sardārī
Dil meñ yuuñ roz inqalāb Aae
Jal uThe bazm-e-ġhair ke dar-o-bām
Jab bhī ham ḳhānumāñ-ḳharāb Aae
Is tarah apnī ḳhāmushī gūñjī
Goyā har samt se javāb Aae
‘Faiz’ thī raah sar-ba-sar Manzil
Ham jahāñ pahuñche kāmyāb Aae……
Chand Sitaro ka noor tujh pe Barse.
Har Koi Teri Chahat To Tarse. (more…)