Kahin chilman ka afsana, kahin chilman mein baithi tu,
Nigahon mein tera saya, basi hai un mein tu,
Labon pe hai naam tera, hai pyar ye mera deewana,
Sine mein jo dhadakta dil, har dhadkan mein basi hai tu,
Tujhse milkar mukkammal paya ishq maine apna,
Ishq mera, sahil mere mohabbat ke dariya ka tu,
Tujhe dekh kar aksar mai, gam bhula ker hansta hu,
Tujhko manu mai afsana, ya tujhko naam Haqeekat du.
Jazire shokh mein tujhko, zamane bhar mein yu dhundha,
Dilon ki gehrai se lekar, uzale mein tujhe dhundha,
Teri parchhai ki khwahish mein bhatka dar badar yuhi,
Tere ekhlak ko pane ko, zamane bhar mein yu bhatka.
Kaun hoon mai kya vajood hai mera,
Tere seene mein kyun dhadkta hai dil ye mera,
Chot tujhko lagti tadap is dil mein hoti hai,
Kahin mere seene mein to nahi dhadakta hai ye dil tera.
Tere aane se ruki zindagi ki sham dhal gayi,
Teri chahat se dil-e-baag mein gulab khil gayi
Tere chahat ko nahi dunga nafrat ki shakal,
Tu bankar pehli gazal meri labon pe bas gayi.
Tu nafs hai mera, mujhko pehchanti hai tu,
Dekh tera ruksar, milti hai is dil ko sukoon,
Teri tareef karta hoon mai duniya ki nazar mein,
Tu bina bole hi is bejaan mein jaan de gayi.
Waqt mangne se kahan milta hai aaj kal,
Ye vo keemti lamhe hain batore humne khas kar,
Kuch gum hume dedo baki hum bita lenge,
Kuch pal haseen tere sang bhi kama lenge.
Munasib na hua, socha unhe takleef na ho,
Varna puchh leta unse gar koi aitraaz na ho,
Ke gar khushi hoto azadi tujhe apni dedoon tohfe mein,
Ye meri Zindagi aise bhi mere kisi kaam ki nahi.
Gulabi ishq hai, abhi khumar hai isme,
Jo par jaye gulal to nasha beshumar hai isme,
Labo pe pari hai jo oos ki bundein,
Thaharti hai tab tak, jab tak mithaas hai isme.
Dariya ye gehra hai, hain kayi bandishein,
paar pane mein uljhan hazaar hain isme,
Na mana is dil ki jab tak rahe Iqbal,
Jo bane Galib to jaana dard beshumar hai isme.