Yun dekh kar guzra zamana, tanhaiyon mein sochta hoon,
Kya paya hai maine ab tak aur kya khojta hoon,
Har pal nazar aata hai mujhko, guzra hua vo haseen pal,
Jisne badal dia mujhe aur toot kar yun bikhra hoon.
Tag: real life shayari
-
Yun Dekh Kar Guzra Zamana
-
Chor Bhi Unka, Kotwal Bhi Unka
Chor bhi unka, kotwal bhi unka,
Hum Ram Raheem me uljhe rahe,
lehre to bahut si aai, har daur me aksar,
hum to bas mazhab ki leher mein behte rahe. -
Fakr Hota Hai Unhe
Fakr hota hai unhe apni har ek parvaan pe,
Vo jo na rakhte khabar apne agaaz aur anjam pe,
Bekhabar logon ko khaa jate hain hadse aksar,
Kaan to rakhna samajhdari hogi waqt ki awaz pe. -
Chalo Aaj Door Kahin Chalte Hain
Chalo aaj door kahin chalte hain, kisi duniya mein nayi,
Jahan yaadon ke samundar jharne se milte hai kahin,
Baarish ki bundon ko sheep sajaa baitha hai jahan,
Ya jahan os ki bundon mein rang nazar aate hain kai.Bhavre aate geet gate aaye phulon ko satane akele,
Ya jugnu aaye hain fizaon ko jagmagane wahin,
Door us unchi chattanon ko dekho,
Vahan se aai in hawaon mein jhum jao kahin,
Barf se dhaki un chadaron ko dekho,
Sone si chamakti in daliyon preet nayi.Ye dhun badi suhani, bahut hi gazab hai,
Har lafz jiska bada hi besabab hai,
Ye kahani jo aksar zuban pe thi basi mere,
Ye sapno ki duniya meri bahut hi ajab hai. -
Abhi Kahan
Abhi kahan, abhi to imaan bahut baki hai,
Sitam bahut seh liya, inaam ab bhi baki hai,
Na rok khud ko Damini jane se is buland lehron mein,
lehron se takra kar paar pana ab bhi baki hai. -
Samundar ne duboe hai Kashtiyan kai hastiyon ke
Samundar ne duboe hai Kashtiyan kai hastiyon ke,
Humne to doobte tinko se jahaz bante dekha hai,
Arman hai ki banana hai burz chand pe unko,
Humne to kachchi mitti se Taj ko bante dekha hai.Tunde mukhalif se ladkhada jate hai kai Baaz aksar,
Humne to kamzor parindon ko baaz bante dekha hai,
Sab bhagte hai duniya ki chamakti roshni ke pichhe,
Humne to andheron mein kitno ko chamakte dekha hai. -
Aaj Mai Paida Hua Hoon Kisi Ki Aawaj Se
Aaj mai paida hua hoon, kisi ki aawaj se,
Chahat mein base kuch armaano ki aas se,
Aaj mai paida hua, khwabon ki talash se,
Duniya mein phailae, anchahe fasad se.Aaj mai paida hua hoon, nakkashi kisi khas se,
Paththar pe gheese sunhare mom ki aas se,
Sochta hoon kya kahun apne is paigam mein,
Vo samjh jata sab kuch mere chand alfaz se. -
Jab Bhi Dekha Humne Khushi Ka Chehra
Jab bhi dekha humne khushi ka chehra,
Mujhe tera chand sa chehra dikhne laga,
Teri muskurahat mein ab mujhe,
Har gehna feeka lagne laga.Teri masoom zuban kya kehti hai mai nahi janta,
Mujhe to tera bas kehna achha lagne laga,
Maa ki anchal me jaker jo chhup jati tu chupke se,
Tujhe dekh yun khush, mujhe jeena achha lagne laga. -
Thoda Tum Sanskrit Seekho, Thoda Hum Arabi Sikh Jate Hain
Thoda tum sanskrit seekho , thoda hum Arbi seekh jate hain,
Tum hume Ved seekhao, hum Quran ka path padhate hain,
Dekho na Kuch log yahan hume mazhab pe ladate hain,
Na unhe Vedo ka gyan na Quran samjh vo pate hain.kadi ho rahi kamjor humari jisne bandhe rakh tha,
bhai bhai milkar hum apni ye baat batlate hain.
Jo vedo me likha vahi Quran hume sikhata hai,
Phir kyun Mazhab ke naam pe hum khoonn bahate hain. -
Kisi Ne Raushan Kia Ek Deeya
Kisi ne raushan kia ek deeya bohot pehle andhere mein,
Us deeye ne banke suraj zamane ko raushan kia,
Ek koshish maine bhi ki lekin zamane se hat kar zara,
Nayee jyot nahi jalai maine, bas purane ko bujhne na diya.