Aaj maine socha phir se uski nigahon mein vo sawal dhundhu,
Na ho mumkin isqu mein aisi koi misaal dhundhu.
Lekin na vo aaj khush hai, na uske chehre par chamak hai kahin,
Honton par aaj uske dard tha, ankhon mein thi nami.
Mai ghabraya, sehma hua haule se uske pas aaya,
Aaj itne kareeb hokar bhi maine usko tanha paya.
Samne tujhko paun, jab bhi mai aankhein mundu,
Jo khoya hai maine, pyar apna kahan mai dhundhu.
Andhere ko roshini ka Sahara mila,
Tanha ko Humsafar ka Sahara mila,
Bhatke ko khuda ka Sahara mila,
Aur mujhe zindagi ka Sahara mila.
Dard ko aansuon ka Sahara mila,
Neend ko khwaabo ka Sahara mila,
Khali Dil ko mohobbat ka Sahara mila,
Aur mujhe kandhe ka Sahara mila.
Ghamo ko yaad ka Sahara mila,
Tadap ko bebasi ka Sahara mila,
Hasi ko nami ka Sahara mila,
Aur mujhe adhurepan ka Sahara mila.
Akelepan ko khaamoshi ka sahara mila,
Manzil ko raaston ka Sahara mila,
Kaanto ko gulabo ka sahara mila.
Aur mujhe qabar ka Sahara mila.
Meri cheekhe bhi nahi rok payi,
Vo dard Jo mujhe mila.
Koi marham Tak nahi bana tha,
Uss zakhm ke lye Jo mujhe Mila.
Dekar mujhe jeene ki saza,
Vo laut Gaya apni duniya mein,
Hazaar koshishe ki dhoondne ki,
Par kahi nahi mila.
Buht see sawal bandh hai,
Aankhon mein Meri.
Yahi Bata Dena ki,
Kusoor Kya tha Mera.
Ab chahe bhi toh,
Kuch nahi Kar sakte.
Ab kismat se na hi,
Koi shikwa hai,
Na hi koi gila.
Taaro see thodi chaandani churakar,
Saja lo apna aaj.
Yeh hunar sab mein hai,
Bas chaatna hai,
Vo jaduyi chirag.
Tatol Kar Mann ko,
Karo ek Madhuri dhun tayaar,
Dekho fir kaise na aayegi jhumti Bahar.
Yeh hunar Jo mujh mein hai,
Dekha hai kisi ko gham mein muskurate hue,
Kisi ki nam aankhon mein,
Suraj Uday hote hue.
Yeh hunar tum bhi seekhlo yaar,
Jab chaa Jaye badal ghane,
Toh karlo thoda intezaar.
Khuddari nahi hai kismat ki mohtaj,
Par Safar mein zaruri hai kabhi kabhi,
Manzil par karlena thoda vishwaas.
Zindagi ne kab hum par rehem kiya,
Jab gumsum the,
Tab hausla diya.
Jab khush hue,
Toh sab cheen liya.
Duniya ne kab hum par rehem kiya,
Jab upar uthe,
Toh badguman kiya.
Jab neeche gire,
Toh kuchal diya.
Dosto ne kab hum par rehem kiya,
Jab rangeen Alam tha,
Tab maza kiya.
Jab zarurat padi,
Toh dhoka diya.
Yehi toh zindagi hai janaab,
Isne kab hum par rehem kiya.
Kabhi tanhayee ka Alam tha,
Kabhi ruswayi ka Alam tha,
Jaag Kar kaati kayi raatein,
Yaaron vo mohobbat ka mausam tha.
Kabhi Dil mein chubhan thi,
Kabhi aankhein nam thi,
Maine has Kar har gham ko peeya,
Yaaron vo qayamat ka mausam tha.
Kabhi nazron mein Nasha tha,
Kabhi zulfon mein hawa ka jhonka tha,
Khoye rehte the hum uski khushboo mein,
Yaaron vo nazdeekiyon ka mausam tha.
Kabhi narazgi thi,
Kabhi gustakhi thi,
Manate hue whumne usse waqt guzara,
Yaaron vo intezaar ka mausam tha.
Zindagi behad lamba Safar hai,
Zindagi behadi mushkil dagar hai,
Sath chahta hu sacche Humsafar ka,
Khwab dekha hai Maine,
Tere sath jeene ka.
Thokrey lagengi yeh khabar hai mujhe,
Par Safar haseen hoga,
Iss baat ka yakeen hai mujhe,
Sath chahta hu sacchi mohobbat ka,
Khwab dekha hai Maine Tere sath chalne ka.
Raaste asaan nahi honge,
Manzile pass nahi hongi,
Sath chahta hu bas tere bharose ka,
Khwab dekha hai Maine,
Teri baho mein mitne ka.
Kitna khush hota hu,
Jab Tere sath hota hu.
Kitna sukoon milta hai,
Jab Tere pyar mein khota hu.
Kis qadar pagal hota hu,
Jab Teri awaz sun ne ko na mile.
Kis qadar darbadar firta hu,
Jab tu na dikhe.
Har waqt batana chahta hu,
Ki kitna pyar karta hu.
Har martaba sath nibhana chahta hu,
Taaki tu nazdeek rahe.
Mohobbat ka andaaz hi kuch aisa hai,
Koi juda hai toh koi khafa hai,
Na Jane Dil Kya chahta hai,
Pake bhi vo ussi ko dhoondta hai.
Qadar nahi shayad usse,
Sacchi mohobbat ki.
Tabhi vo jazbaaton ke sath khelta hai.
Khuda ka khauf nahi usse,
Tabhi vo manmani karta hai.
Kabhi usse bhi dard toh hoga,
Kabhi usse bhi ehsaas toh hoga,
Hamare zakhmo ka.
Issi umeed mein hamara Sara waqt guzarta hai.