Realshayari

Tag: Heart Touching Sad Love SHAYARI

  • Door Tumse Mai Aaj Bhi Khada Hoon

    Door Tumse Mai Aaj Bhi Khada Hoon

    Door tumse mai aaj bhi khada hoon,
    Nazron se door lekin dil se mila hoon.
    Apni soch ki bandish mujhpe na lgana,
    Mai to tere zehen ke har kone mein basa hoon.

  • Aaj Maine Socha

    Aaj Maine Socha

    Aaj maine socha phir se uski nigahon mein vo sawal dhundhu,
    Na ho mumkin isqu mein aisi koi misaal dhundhu.

    Lekin na vo aaj khush hai, na uske chehre par chamak hai kahin,
    Honton par aaj uske dard tha, ankhon mein thi nami.

    Mai ghabraya, sehma hua haule se uske pas aaya,
    Aaj itne kareeb hokar bhi maine usko tanha paya.

    Samne tujhko paun, jab bhi mai aankhein mundu,
    Jo khoya hai maine, pyar apna kahan mai dhundhu.

  • Ghabra Kar Maine Jo

    Ghabra Kar Maine Jo

    Ghabra kar maine jo uski pakdi thi kalai.
    Hathon mein rait bankar zameen par thi aai,
    Ye jo zehan mein maine bune the khwab itne,
    Hakeekat mein the bas unki khubsurat si parchhai.

  • Unhe Kya Pata

    Unhe Kya Pata

    Vo sochte the unki yaad mein bikhar jaenge toot kar hum,
    Unhe kya pata, unki yaad mein tadapne ka maza hi kuch aur hai.

    Vo sochte the ke mayusi ke badal mein ghir jaenge hum.
    Unhe kya pta gam ki syahi mein doob kar chalne ka maza hi kuch aur hai.

    Vo kehte the ki in bebas aankhon mein gam ki ghata na chhane dena,
    Unhe kya pata ke in motiyon ke bikhar jane mein mazaa hi kuch aur hai.

    Unko lagta tha ki tanha hoke mai aasma mein chand taron ki tarah bikhar jaunga,
    Unhe kya pta ke andheri rato mein kisi ka sahara ban chamakne ka maza hi kuch aur hai.

  • Maine Duniya Se Chhupaya Apko Bas Isliye

    Maine Duniya Se Chhupaya Apko Bas Isliye

    Maine duniya se chhupaya apko bas isliye,
    Sari dunya mar mitegi apke andaz pe,
    Pyar ki awaz hi pe saaz hokar reh gaye,
    Hum ne jab bhi geet gaya zindagi ke saaz pe.

    Jo mohabbat ka mere, bharte the dam har baat mein,
    Yu khalish hone lagi unko mere naaz pe,
    Vo bhi ab darne lage sayad zamane ki reet se,
    Jo chale aate the meri ek hi awaaz pe.

  • Waqt Vahi Hai Bas Kuch Lamha Badal Gaya

    Waqt Vahi Hai Bas Kuch Lamha Badal Gaya

    Waqt vahi hai bas kuch lamha badal gaya,
    Akhon mein chhupa dard aansu ban chhalak gaya,
    Lafz honton pe the, bas bikharne baki the,
    Dard seene mein chhupa kilasta reh gaya.

  • Aaj Bahut Din Baad Socha ki Kuch Likhun

    Aaj Bahut Din Baad Socha ki Kuch Likhun

    Aaj bahut din bad socha ki kuch likhun,
    Kya likhun ki ab to hathon par nami si aai hai,
    Vo syahi jo kagaz pe roshni beekherti thi,
    Mere jehan-o-saku pe phail si aai hai.

    Koshish kiye hazaar par na hua mukammal,
    Dastaan-e-ishq humari yu bankar samne aai hai,
    ye hatash mann nahi mera jo dastak de raha hai dar pe,
    Waqt ki kami hai jo humare rishton pe phail aai hai.

  • Mat Kar Itni Mohabbat

    Mat Kar Itni Mohabbat

    Mat kar itni mohabbat aye naadan dil,
    Pyaar samundar sa gehra hai, paar nahi payega.
    Toot jayega tu kisi apno ke hi hathon,
    Kisne toda, ye bayaan nahi kar payega.

    Shukar kar khuda ka ki aanson ko rang nahi dia,
    Varna takiye ka rang tere, Usko phir tu chhupa paega.
    Jo tod gaye sapne tere, wo saare armaon ke,
    Dil phir tera kisi mohabbat ke kaabil na reh paega.