Realshayari

Category: Shayar

  • Hazaron Khwahishen Aisi Ki Har Khwahish Pe Dam Nikle

    Hazaron Khwahishen Aisi Ki Har Khwahish Pe Dam Nikle

    Hazāroñ ḳhvāhisheñ aisī ki har ḳhvāhish pe dam nikle

    Bahut nikle mire armān lekin phir bhī kam nikle

     

    Dare kyuuñ merā qātil kyā rahegā us kī gardan par

    Vo ḳhuuñ jo chashm-e-tar se umr bhar yuuñ dam-ba-dam nikle

    Nikalnā ḳhuld se aadam kā sunte aa.e haiñ lekin

    Bahut be-ābrū ho kar tire kūche se ham nikle

     

    Bharam khul jaa.e zālim tere qāmat kī darāzī kā

    Agar is turra-e-pur-pech-o-ḳham kā pech-o-ḳham nikle

     

    Magar likhvā.e koī us ko ḳhat to ham se likhvā.e

    Huī sub.h aur ghar se kaan par rakh kar qalam nikle

     

    Huī is daur meñ mansūb mujh se bāda-ashāmī

    Phir aayā vo zamāna jo jahāñ meñ jām-e-jam nikle

    Huī jin se tavaqqo ḳhastagī kī daad paane kī

    Vo ham se bhī ziyāda ḳhasta-e-teġh-e-sitam nikle

     

    Mohabbat meñ nahīñ hai farq jiine aur marne kā

    Usī ko dekh kar jiite haiñ jis kāfir pe dam nikle

     

    Kahāñ mai-ḳhāne kā darvāza ‘ġhālib’ aur kahāñ vaa.iz

    Par itnā jānte haiñ kal vo jaatā thā ki ham nikle..

  • Hawas Ko Hai Nashat-E-Kar Kya Kya

    Hawas Ko Hai Nashat-E-Kar Kya Kya

    Havas ko hai nashāt-e-kār kyā kyā

    Na ho marnā to jiine kā mazā kyā

    Tajāhul-peshgī se mudda.ā kyā

    Kahāñ tak ai sarāpā naaz kyā kyā

    Navāzish-hā-e-bejā dekhtā huuñ

    Shikāyat-hā-e-rañgīñ kā gila kyā

    Nigāh-e-be-mahābā chāhtā huuñ

    Taġhāful-hā-e-tamkīñ-āzmā kyā

    Faroġh-e-shola-e-ḳhas yak-nafas hai

    Havas ko pās-e-nāmūs-e-vafā kyā

    Nafas mauj-e-muhīt-e-be-ḳhudī hai

    Taġhāful-hā-e-sāqī kā gila kyā

    Dimāġh-e-itr-e-pairāhan nahīñ hai

    Gham-e-āvārgī-hā-e-sabā kyā

    Dil-e-har-qatra hai sāz-e-anal-bahar

    Ham us ke haiñ hamārā pūchhnā kyā

    Muhābā kyā hai maiñ zāmin idhar dekh

    Shahīdān-e-nigah kā ḳhūñ-bahā kyā

    Sun ai ġhārat-gar-e-jins-e-vafā sun

    Shikast-e-qīmat-e-dil kī sadā kyā

    Kiyā kis ne jigar-dārī kā daavā

    Shakeb-e-ḳhatir-e-āshiq bhalā kyā

    Ye qātil vāda-e-sabr-āzmā kyuuñ

    Ye kāfir fitna-e-tāqat-rubā kyā

    Balā-e-jāñ hai ‘ġhālib’ us kī har baat

    Ibārat kyā ishārat kyā adā kyā…

  • Hasad Se Dil Agar Afsurda Hai Garm-E-Tamasha Ho

    Hasad Se Dil Agar Afsurda Hai Garm-E-Tamasha Ho

    Hasad se dil agar afsurda hai garm-e-tamāshā ho

    Ki chashm-e-tañg shāyad kasrat-e-nazzāra se vā ho

    Ba-qadr-e-hasrat-e-dil chāhiye zauq-e-ma.āsī bhī

    Bharūñ yak-gosha-e-dāman gar āb-e-haft-dariyā ho

     
     

    Agar vo sarv-qad garm-e-ḳhirām-e-nāz aa jaave

    Kaf-e-har-ḳhāk-e-gulshan shakl-e-qamrī nāla-farsā ho

    Baham bālīdan-e-sañg-o-gul-e-sahrā ye chāhe hai

    Ki tār-e-jāda bhī kohsār ko zunnār-e-mīnā ho

     

    Harīf-e-vahshat-e-nāz-e-nasīm-e-ishq jab aa.uuñ

    Ki misl-e-ġhuncha sāz-e-yak-gulistāñ dil muhayyā ho

    Bajā.e daana ḳhirman yak-bayābāñ baiza-e-qumrī

    Mirā hāsil vo nusḳha hai ki jis se ḳhaak paidā ho

    Kare kyā sāz-e-bīnish vo shahīd-e-dard-āgāhī

    Jise mū-e-dimāġh-e-be-ḳhudī ḳhvāb-e-zuleḳhā ho

    Dil-e-jūñ-sham.a bahr-e-dāvat-e-nazzāra lāya.anī

    Nigah labrez-e-ashk o siina ma.amūr-e-tamannā ho

    Na dekheñ rū-e-yak-dil sard ġhair-az sham-e-kafūrī

    Khudāyā is qadar bazm-e-‘asad’ garm-e-tamāshā ho

  • Harif-E-Matlab-E-Mushkil Nahin Fusun-E-Niyaz

    Harif-E-Matlab-E-Mushkil Nahin Fusun-E-Niyaz

    Harīf-e-matlab-e-mushkil nahīñ fusūn-e-niyāz

    Duā qubūl ho yā rab ki umr-e-ḳhizr darāz!

    Na ho ba-harzah bayābāñ-navard-e-vahm-e-vajūd

    Hanūz tere tasavvur meñ hai nasheb-o-farāz

    Visāl jalva tamāshā hai par dimāġh kahāñ

    Ki diije ā.ina-e-intizār ko pardāz

    Har ek zarra-e-āshiq hai āftāb-parast

    Ga.ī na ḳhaak hue par havā-e-jalva-e-nāz

    Na pūchh vus.at-e-mai-ḳhāna-e-junūñ ‘Ghālib’

    Jahāñ ye kāsa-e-gardūñ hai ek ḳhāk-andāz

    Fareb-e-san.at-e-ījād kā tamāshā dekh

    Nigāh aks-farosh o ḳhayāl ā.ina-sāz

    Zi-bas-ki jalva-e-sayyād hairat-ārā hai

    Udī hai safha-e-ḳhātir se sūrat-e-parvāz

    Hujūm-e-fikr se dil misl-e-mauj larze hai

    Ki shīsha nāzuk o sahbā-e-ābgīna-gudāz

    ‘Asad’ se tark-e-vafā kā gumāñ vo ma.anī hai

    Ki khīñchiye par-e-tā.ir se sūrat-e-parvāz

    Hanūz ai asar-e-dīd nañg-e-rusvā.ī

    Nigāh fitna-ḳhirām o dar-e-do-ālam baaz…

  • Hasad Se Dil Agar Afsurda Hai Garm-E-Tamasha Ho

    Hasad Se Dil Agar Afsurda Hai Garm-E-Tamasha Ho

    Hasad se dil agar afsurda hai garm-e-tamāshā ho

    Ki chashm-e-tañg shāyad kasrat-e-nazzāra se vā ho

    Ba-qadr-e-hasrat-e-dil chāhiye zauq-e-ma.āsī bhī

    Bharūñ yak-gosha-e-dāman gar āb-e-haft-dariyā ho

     
     

    Agar vo sarv-qad garm-e-ḳhirām-e-nāz aa jaave

    Kaf-e-har-ḳhāk-e-gulshan shakl-e-qamrī nāla-farsā ho

    Baham bālīdan-e-sañg-o-gul-e-sahrā ye chāhe hai

    Ki tār-e-jāda bhī kohsār ko zunnār-e-mīnā ho

    Harīf-e-vahshat-e-nāz-e-nasīm-e-ishq jab aa.uuñ

    Ki misl-e-ġhuncha sāz-e-yak-gulistāñ dil muhayyā ho

    Bajā.e daana ḳhirman yak-bayābāñ baiza-e-qumrī

    Mirā hāsil vo nusḳha hai ki jis se ḳhaak paidā ho

    Kare kyā sāz-e-bīnish vo shahīd-e-dard-āgāhī

    Jise mū-e-dimāġh-e-be-ḳhudī ḳhvāb-e-zuleḳhā ho

    Dil-e-jūñ-sham.a bahr-e-dāvat-e-nazzāra lāya.anī

    Nigah labrez-e-ashk o siina ma.amūr-e-tamannā ho

    Na dekheñ rū-e-yak-dil sard ġhair-az sham-e-kafūrī

    Khudāyā is qadar bazm-e-‘asad’ garm-e-tamāshā ho…

  • Hai Wasl Hijr Aalam-E-Tamkin-O-Zabt Mein

    Hai Wasl Hijr Aalam-E-Tamkin-O-Zabt Mein

    Hai vasl hijr ālam-e-tamkīn-o-zabt meñ

    Māshūq-e-shoḳh o āshiq-e-dīvāna chāhiye

    Us lab se mil hī jā.egā bosa kabhī to haañ

    Shauq-e-fuzūl o jur.at-e-rindāna chāhiye

    Ashiq naqāb-e-jalva-e-jānāna chāhiye

    Fānūs-e-shama ko par-e-parvāna chāhiye

  • Har Qadam Duri-E-Manzil Hai Numayan Mujhse

    Har Qadam Duri-E-Manzil Hai Numayan Mujhse

    Har qadam dūri-e-manzil hai numāyāñ mujh se

    Merī raftār se bhāge hai bayābāñ mujh se

    Dars-e-unvān-e-tamāshā ba-taġhāful ḳhush-tar

    Hai nigah rishta-e-shīrāza-e-mizhgāñ mujh se

    Vahshat-e-ātish-e-dil se shab-e-tanhā.ī meñ

    Sūrat-e-dūd rahā saaya gurezāñ mujh se

    Gham-e-ushshāq na ho sādgī-āmoz-e-butāñ

    Kis qadar ḳhāna-e-ā.īna hai vīrāñ mujh se

    Asar-e-ābla se jāda-e-sahrā-e-junūñ

    Sūrat-e-rishta-e-gauhar hai charāġhāñ mujh se

    Be-ḳhudī bistar-e-tamhīd-e-farāġhat ho jo

    Pur hai saa.e kī tarah merā shabistāñ mujh se

    Shauq-e-dīdār meñ gar tū mujhe gardan maare

    Ho nigah misl-e-gul-e-shamā pareshāñ mujh se

    Bekasī-hā-e-shab-e-hijr kī vahshat hai hai

    Saaya ḳhurshīd-e-qayāmat meñ hai pinhāñ mujh se

    Gardish-e-sāġhar-e-sad-jalva-e-rañgīñ tujh se

    Aā.ina-dāri-e-yak-dīda-e-hairāñ mujh se

    Nigah-e-garm se ek aag Tapaktī hai ‘asad’

    Hai charāġhāñ ḳhas-o-ḳhāshāk-e-gulistāñ mujh se

    Bastan-e-ahd-e-mohabbat hama nā-dānī thā

    Chashm-e-nakushūda rahā uqda-e-paimāñ mujh se

    Atish-afrozi-e-yak-shola-e-īmā tujh se

    Chashmak-ārā.i-e-sad-shahr charāġhāñ mujh se…

  • Hairan Hun Dil Ko Roun Ki Pitun Jigar Ko Main

    Hairan Hun Dil Ko Roun Ki Pitun Jigar Ko Main

    Hairāñ huuñ dil ko ro.uuñ ki pīTūñ jigar ko maiñ

    Maqdūr ho to saath rakhūñ nauhagar ko maiñ

     

    ChhoḌā na rashk ne ki tire ghar kā naam luuñ

    Har ik se pūchhtā huuñ ki jā.ūñ kidhar ko maiñ

     

    Jaanā paḌā raqīb ke dar par hazār baar

    Ai kaash jāntā na tire rah-guzar ko maiñ

    Hai kyā jo kas ke bāñdhiye merī balā Dare

    Kyā jāntā nahīñ huuñ tumhārī kamar ko maiñ

     

    Lo vo bhī kahte haiñ ki ye be-nañg-o-nām hai

    Ye jāntā agar to luTātā na ghar ko maiñ

     

    Chaltā huuñ thoḌī duur har ik tez-rau ke saath

    Pahchāntā nahīñ huuñ abhī rāhbar ko maiñ

    Khvāhish ko ahmaqoñ ne parastish diyā qarār

    Kyā pūjtā huuñ us but-e-bedād-gar ko maiñ

     

    Phir be-ḳhudī meñ bhuul gayā rāh-e-kū-e-yār

    Jaatā vagarna ek din apnī ḳhabar ko maiñ

     

    Apne pe kar rahā huuñ qayās ahl-e-dahr kā

    Samjhā huuñ dil-pazīr mata-e-hunar ko maiñ

     

    ‘Ghālib’ ḳhudā kare ki savār-e-samand-e-nāz

    Dekhūñ alī bahādur-e-ālī-guhar ko maiñ…

  • Har Ek Baat Pe Kahte Ho Tum Ki Tu Kya Hai

    Har Ek Baat Pe Kahte Ho Tum Ki Tu Kya Hai

    Har ek baat pe kahte ho tum ki tū kyā hai

    Tumhīñ kaho ki ye andāz-e-guftugū kyā hai

     

    Na sho.ale meñ ye karishma na barq meñ ye adā

    Koī batāo ki vo shoḳh-e-tund-ḳhū kyā hai

     

    Ye rashk hai ki vo hotā hai ham-suḳhan tum se

    Vagarna ḳhauf-e-bad-āmozi-e-adū kyā hai

    Chipak rahā hai badan par lahū se pairāhan

    Hamāre jaib ko ab hājat-e-rafū kyā hai

     

    Jalā hai jism jahāñ dil bhī jal gayā hogā

    Kuredte ho jo ab raakh justujū kyā hai

     

    Ragoñ meñ dauḌte phirne ke ham nahīñ qaa.il

    Jab aañkh hī se na Tapkā to phir lahū kyā hai

     

    Vo chiiz jis ke liye ham ko ho bahisht aziiz

    Sivā.e bāda-e-gulfām-e-mushk-bū kyā hai

     

    Piyūñ sharāb agar ḳhum bhī dekh luuñ do-chār

    Ye shīsha o qadah o kuuza o subū kyā hai

     

    Rahī na tāqat-e-guftār aur agar ho bhī

    To kis umiid pe kahiye ki aarzū kyā hai

     

    Huā hai shah kā musāhib phire hai itrātā

    Vagarna shahr meñ ‘ġhālib’ kī aabrū kyā hai…..

  • Hai Bazm-E-Butan Mein Sukhan Aazurda-Labon Se

    Hai Bazm-E-Butan Mein Sukhan Aazurda-Labon Se

    Hai bazm-e-butāñ meñ suḳhan āzurda-laboñ se

    Tañg aa.e haiñ ham aise ḳhushāmad-talaboñ se

    Hai daur-e-qadah vaj.h-e-pareshāni-e-sahbā

    Yak-bār lagā do ḳhum-e-mai mere laboñ se

    Rindān-e-dar-e-mai-kada gustāḳh haiñ zāhid

    Zinhār na honā taraf in be-adaboñ se

    Bedād-e-vafā dekh, ki jaatī rahī Aḳhir

    Har-chand mirī jaan ko thā rabt laboñ se

    Kyā pūchhe hai bar-ḳhud ġhalatī-hā-e-Azīzāñ

    Khvārī ko bhī ik aar hai a.ālī-nasaboñ se

    Go tum ko razā-jūī-e-aġhyār hai lekin

    Jaatī hai mulāqāt kab aise sababoñ se

    Mat pūchh ‘asad’ va.ada-e-kam-fursatī-e-zīst

    Do din bhī jo kaaTe tū qayāmat ta.aboñ se..