Collection of Real Shayari in General Category
Aao hum sab milke Ram mandir banate hain,
Andar tum puja karna, bahar hum jamat lagate hain,
Kuch log kahenge mai pagal hoon, kuch log khush ho jaenge,
Jiske dil jaise hai bane, jag zahir ho jaenge.
Baat baat pe ek dusre ko chhodo dena tana,
Bahut ho gaya, desh bant gaya abto akal lagana,
Na tum jaoge mandir na hum Namaz ki jamat lagaenge,
Lekin mandir mashjid ke naam pe masumon ke khoon bahaenge.
Koi Jag mata ko mane hai, koi allah ko jane hai,
Koi diwali par deep jalaye,koi allah ke aage sar jhukaye hai,
humari to bas ek hi mata hai, vo hi meri vidhata hai,
Jiske charnon mein jag mera, kadmon ko jannat mane hai.
Ye udasi, ye shikan chehre pe kyun hai,
Koi zakhm thodi na hai jo dikha du tujhko,
Arsa hua tujhe muskurata dekhe aye dil,
Jhuti hansi thodi na hai jo hansa du tujhko.
Bebak tha tu pehle, kyun murjha sa gya hai,
Koi gulab thodi na hai jo khila du tujhko,
Paas hi to hai mere, sine se laga hai tu,
Door thodi na hai jo bhula du tujhko.
Jindagi apni maine khushyion ke naam kar dia,
Mohabbat hai dil mein sabke ki aisa kaam kar dia,
kuch is tarah se maine zindagi ko aasan kar lia,
kisi se mang li mafi humne kisi ko maaf kar dia.
Khuli kitab hoon, jise padhna hai padh le,
Yu ki mera ek bhi haruuf zaya na ho yaaron,
Ilm ki manzil nahi hoti koi, Kabl bas itna khayal rakhna,
Jitna liye ja rahe ho, zamane ko dete jana.
Labon pe aaj bhi saje wo arsh ke moti hain,
Vad-e-saad me bikhri fizaon ki hansi mehfil hai,
Chaman mein phul khilte hain gulistan baag hota hai,
Nikhar kar aati hai sargam labon pe saad hoti hai.
Tujhi mein zameen dekhi, tujhi mein aasman paya,
Haiwaniyat bhi maine ek Fariste ki nafs mein paya,
Mohabbat kar tu saaki ban Tabhi Enjeel kehlaega,
varna zamana jalim hai bada tu Iblees hi rah jaega.
Koi khamosh baitha hai, kisi ki ankhon mein aanshu,
kisi ko parvah nahi teri, aye pagle tu pareshan hai kyun,
teri manzil teri hai raah, chalna tujhe akele hai,
Bana le tu khud apni raah, kyu dheeraj khota hai tu.
Koi pandit ki mane hai, Koi mullah ko jane hai,
Insan ko insaniyat ke layak na wo yahan mane hai,
abto daur hai aisa ke dar lagta hai mujhko,
meri har baat ko vo meri gustakhi jane hai..!!
Door kitna bhi jao, apne gam ko bhula na paoge,
Apne hi gam mein tinke ki tarah bikhar jaoge,
Dost kehte ho, to maan bhi lo dil se mere yaar,
Ek hum hi hai jiske pas laut ke vapas aaoge.