Realshayari

Author: admin

  • Aaj Mai Khush Hoon

    Aaj Mai Khush Hoon

    Aaj mai khush hoon, kyunki hasna mujhe aaya hai,
    Ghut ghut kar rehne ke bad jeena mujhe aaya hai,
    jise sirkast khwabon mein hua karti thi,
    Aaj vo samne mere nazar ke samne aaya hai,
    Bade din bad is dil-e-bahar mein,
    sukoon ka mausam mere dil par chhaya hai,

    Lekin darr lagta hai, pareshan to mai ab bhi hoon
    Na jane vo kya sochta hoga, socj kar dil ghabraya hai,
    Na jane kitne sawal uske zehen me aaya hoga,
    Magar har sawal ke bad vo muskuraya hoga,

    Muskurahat aisi ki, darkan bhi kuch pal bewafa ho jaye,
    Aankhein patthar si ho bas use dekhti reh jaye,
    Jubaan pe alfaaz aate aate, honton tak pighal jaye,
    lamha haseen ho jaye, ye Zehen mein har dum aaya hai.

  • Ye Udasi

    Ye Udasi

    Ye udasi, ye shikan chehre par kyun hai,
    Koi zakhm thodi na hai jo dikha duoon tujhko,
    Arsa hua tujhe muskurata dekhe hue aye dil,
    Jhuti hansi thodi na hai jo hansa doon tujhko.

  • Nibhae Rishte Ki Bewajah Apne Mila Nahi Karte

    Nibhae Rishte Ki Bewajah Apne Mila Nahi Karte

    Nibhae rishte ki bewajah Apne mila nahi karte,
    Nasihatein milti bohot, madad sahi nahi milte,
    Kuch soch kar likha tha ye fasana humne,
    Kuch jumle purane the badal dale humne,

    Khuli aankhon mein khwab the, sambhal na saki,
    Aankhein band hui to Manzil bhut door thi,
    Phir jakar kahin samajh aaya is naadan ko,
    Sirf sapne dekhne se manzil mila nahi karte.

  • Baagi Mat Ban Tu

    Baagi Mat Ban Tu

    Baagi mat ban tu is samaj mein aye nadaan,
    Ye tera ghar hi to hai , isse kyun hai tu anjaan,
    Kisi shaakh pe koi ullu to kya vo uska ghar hoga,
    Parinde hai udd jaenge subah saadik se pehle.

    Tu chal tujhe dikhlau kitni bheed hai is mehfil mein,
    Bas afsos hai ke “aawaz” hai, lekin sabke dil mein,
    Mujhe na darr hai na khauf hai kyuki mai “zinda” hoon,
    bas gam hai ki kuch na kar pane par sharminda hoon.

    Tu kyun ghut kar mar raha, kyun jal raha,
    kuch jaalimon ke hath ka putla ban raha,
    na rakh koi bair apne dlil mein apno ke liye,
    milkar roke jo ye jamana jal raha.

  • Bohot Seh Liye

    Bohot Seh Liye

    Bohot seh liye dard-e-dil ka haal humne,
    Aao ab use hum bhula kar to dekhein,
    Bohot baha liye aansu is gum mein humne,
    Aao aaj sath mil kar muskura kar to dekhein.

    Bohot rangeen hai ye duniya, na jane kitne rang hai isme,
    Aao hum bhi kuch rang laga kar to dekhein,
    Baharon ke rango se bhar lo jholi apni,
    Chalo ek bar phir se muskura kar to dekhein.

  • Mat Kar Itni Mohabbat

    Mat Kar Itni Mohabbat

    Mat kar itni mohabbat aye naadan dil,
    Pyaar samundar sa gehra hai, paar nahi payega.
    Toot jayega tu kisi apno ke hi hathon,
    Kisne toda, ye bayaan nahi kar payega.

    Shukar kar khuda ka ki aanson ko rang nahi dia,
    Varna takiye ka rang tere, Usko phir tu chhupa paega.
    Jo tod gaye sapne tere, wo saare armaon ke,
    Dil phir tera kisi mohabbat ke kaabil na reh paega.

  • Ek Chhoti Si Bachchi

    Ek Chhoti Si Bachchi

    Ek chhoti si bachchi Maa se bichhad kar aayi thi,
    Thodi si mayuus aur bahut jyada ghabrai thi.
    Maine pyar se use god mein uthaya,
    Uski aankhon ke aansu pochh gale se lagaya,

    Uska subakna mujhe dekha na gya,
    Use seene se laga mathe pe bosa dia,
    Use thoda behla kar dilasa dia.

    Kuch nadaan the khade, karke aankhein badi,
    Unki nigahon mein mere liye thi nafrat bhari,
    Ek ne keh hi dia, khamoshiyon ko karke juda,
    Sharam nahi aati, bachchi hai vo rehem mere khuda,
    Dareendagi chhodo, insan ho ya haivaan.
    Tumhari wajah se  hai insaneeyat badnam.

    Maine tawajjo na dia, dil hi dil muskurata raha,
    Galti to unki bhi nahi, zamane mein hai zeher bhada,
    Bhai ko gale laga kar ek bhai badnam ho gya,
    Mohabbat kisi makhlook se karna bhi ab gunah ho gaya.

  • Kisse Baat Karun Ki Sab Bezuban Hai

    Kisse Baat Karun Ki Sab Bezuban Hai

    Kisse baat karun ki sab bezuban hai,
    Aaj ke daur mein fariste ab anjaan hai,
    Jo tu kare vo hum kare, ye tera manna hoga,
    Apni marzi pe hum chale ye tujhe janna hoga,
    Aaj kal bheed mein bhi tanha sa mujhe kyun lagta hai,
    Apno ke bich mein bhi darr sa mujhe kyun lagta hai,
    Ek maa hai meri jiski god mein khudko mehfuz tha paya,
    Aur ek maa hai jiske naam pe faila hai dehshat ka saaya,
    Kisko samjhau , ya kisko manau, yha sab log apne hai,
    Unki nafrat se bade kuch masumo ke sapne hai.

  • Aye Ishq Tu Beemar Kyun Hua

    Aye Ishq Tu Beemar Kyun Hua

    Aye Ishq tu beemar kyun hua,
    Zamana badla to tu khuddar kyun hua,
    Humne to har lamha nibhaya tha tujhko,
    Tu apno ka hokar bhi Bezar kyun hua.

  • Kehte Hain Har Baat Jubaan Se

    Kehte Hain Har Baat Jubaan Se

    Kehte Hain Har Baat Jubaan Se

    Hum Ishara Nahi Karte,

    Aasman Par Chalne Wale

    Zamin Se Gujara Nahi Karte,

    Har Halat Ko Badlne Ki

    Himmat Hai Hum Mein,

    Waqt Ka Har Faisla Hum

    Ganwara Nahi Karte.

    कहते है हर बात जुबां से हम इशारा नहीं करते,
    आसमान पर चलने वाले जमीं से गुज़ारा नहीं करते,
    हर हालात को बदलने की हिम्मत है हम में,
    वक़्त का हर फैसला हम गंवारा नहीं करते।

    Read More Shayari: Teri Mohabbat Mein