Realshayari

Author: admin

  • Chhu Loon Aasman Ko Mai

    Chhu Loon Aasman Ko Mai

    Chhu loon aasman ko mai,
    Zameen ko aage na badhne doon,
    Zamane ko nahi jaldi, mujhe toofan hai chhuna,
    Jawani ki dehleez pe abhi to kadam rakha tha maine,
    Jara se kadam kya ladkhadaye, budhapa aa gaya.

  • Vo Khuli Hawaon Mein

    Vo Khuli Hawaon Mein

    Vo khuli hawaon mein sans lena unhe gawara na hua,
    Har zameen darkinare pehre bitha diye usne,
    Hum to nadan the, jo un pehro ko bhi samjhe,
    Ye to hai basa humari hi hifazat ke liye.

  • Uski Awaz Kanon Tak Aayi Aur Laut Gayi

    Uski Awaz Kanon Tak Aayi Aur Laut Gayi

    Uski awaz kanon tak aayi aur laut gayi,
    Zamana chal raha tha aur chalta rha Fareeb ka,
    Kuch pal hi beete the tab jakar ehsas hua,
    Laut kar dekha pichhe to akela tha khada.

  • Jise Karna Hai Raaz

    Jise Karna Hai Raaz

    Jise karna hai raaz vo apni akal lagate hain,
    Baat baat mein hum sabko ek duje se ladate hain,
    Vo bote hain nafrat, aur hum use badhate hain,
    Jab tak khud humare ghar, usi aag mein nahi jal jate hain.

    Dukh to tab hota hai jab padhe likhe behek jate hain,
    Bina kuch soche hi, bas ek taraf ho jate hain,
    Kabhi desh, dharma ke naam pe hum ek ho jate hain,
    Kabhi chhoti si baat pe aapas mein hi bheed jate hain.

  • Aao Hum Sab Milke

    Aao Hum Sab Milke

    Aao hum sab milke Ram mandir banate hain,
    Andar tum puja karna, bahar hum jamat lagate hain,
    Kuch log kahenge mai pagal hoon, kuch log khush ho jaenge,
    Jiske dil jaise hai bane, jag zahir ho jaenge.

    Baat baat pe ek dusre ko chhodo dena tana,
    Bahut ho gaya, desh bant gaya abto akal lagana,
    Na tum jaoge mandir na hum Namaz ki jamat lagaenge,
    Lekin mandir mashjid ke naam pe masumon ke khoon bahaenge.

  • Dard Mein Shiddat Thi Itni

    Dard Mein Shiddat Thi Itni

    Dard mein shiddat thi itni ke hum alfaz bhul gaye,
    Aur hukumat aaj bhi jarf zer mein atki rahi,
    Koi tanha hai, koi majboor to koi bebas hai,
    Aaj ki daur mein bas mazloom hi zinda hai.

  • Koi Jag Mata kKo Mane Hai

    Koi Jag Mata kKo Mane Hai

    Koi Jag mata ko mane hai, koi allah ko jane hai,
    Koi diwali par deep jalaye,koi allah ke aage sar jhukaye hai,
    humari to bas ek hi mata hai, vo hi meri vidhata hai,
    Jiske charnon mein jag mera, kadmon ko jannat mane hai.

  • Ye Udasi Ye Shikan Chehre Pe Kyun Hai

    Ye Udasi Ye Shikan Chehre Pe Kyun Hai

    Ye udasi, ye shikan chehre pe kyun hai,
    Koi zakhm thodi na hai jo dikha du tujhko,
    Arsa hua tujhe muskurata dekhe aye dil,
    Jhuti hansi thodi na hai jo hansa du tujhko.

    Bebak tha tu pehle, kyun murjha sa gya hai,
    Koi gulab thodi na hai jo khila du tujhko,
    Paas hi to hai mere, sine se laga hai tu,
    Door thodi na hai jo bhula du tujhko.

  • Jindagi Apni Maine Khushyion Ke Naam Kar Dia

    Jindagi Apni Maine Khushyion Ke Naam Kar Dia

    Jindagi apni maine khushyion ke naam kar dia,
    Mohabbat hai dil mein sabke ki aisa kaam kar dia,
    kuch is tarah se maine zindagi ko aasan kar lia,
    kisi se mang li mafi humne kisi ko maaf kar dia.

  • Khuli Kitab Hoon

    Khuli Kitab Hoon

    Khuli kitab hoon, jise padhna hai padh le,
    Yu ki mera ek bhi haruuf zaya na ho yaaron,
    Ilm ki manzil nahi hoti koi, Kabl bas itna khayal rakhna,
    Jitna liye ja rahe ho, zamane ko dete jana.