Sham ki dastak pe dhup ki syahi si chhai hai,
Dil ki kisi kone mein aaj bhi teri parchhai hai,
Tere liye jo piroye the alfaz kayi humne,
Teri khushbu se aaj vo saaz ban aayi hai.
Ye teri ankhon se nikla hai vo anshu hai ya moti hai,
Nigahon mein jo mai bhar loon to phir vo surmayi syahi hai,
Surkh ankhon mein chhae hai, nigahein yaad mein tere tarasti,
Chehre pe tabassum hai, saaz teri tarannum ban aayi hai.
Vo sochte the unki yaad mein bikhar jaenge toot kar hum,
Unhe kya pata, unki yaad mein tadapne ka maza hi kuch aur hai.
Vo sochte the ke mayusi ke badal mein ghir jaenge hum.
Unhe kya pta gam ki syahi mein doob kar chalne ka maza hi kuch aur hai.
Vo kehte the ki in bebas aankhon mein gam ki ghata na chhane dena,
Unhe kya pata ke in motiyon ke bikhar jane mein mazaa hi kuch aur hai.
Unko lagta tha ki tanha hoke mai aasma mein chand taron ki tarah bikhar jaunga,
Unhe kya pta ke andheri rato mein kisi ka sahara ban chamakne ka maza hi kuch aur hai.
Hawaein phir se teri khusboo lekar aayi hai,
Chalte chalte mujhse door chala gya kahin tu,
Dil joro se dhadka aur saans rukne ko aayi hai,
Aaj phir se badalon mein gehri laali si chhai hai.
Subah ki keeran bhi ab madhyam ho gai,
Aakhon ke moti barish ki bunde ban aayi hai,
Dil mein jo ye tujhe pane ki chahat hai barson se,
Lagta hai aaj phir se mujhe teri yaad aayi hai.