Aaj maine socha phir se uski nigahon mein vo sawal dhundhu,
Na ho mumkin isqu mein aisi koi misaal dhundhu.
Lekin na vo aaj khush hai, na uske chehre par chamak hai kahin,
Honton par aaj uske dard tha, ankhon mein thi nami.
Mai ghabraya, sehma hua haule se uske pas aaya,
Aaj itne kareeb hokar bhi maine usko tanha paya.
Samne tujhko paun, jab bhi mai aankhein mundu,
Jo khoya hai maine, pyar apna kahan mai dhundhu.
Ghabra kar maine jo uski pakdi thi kalai.
Hathon mein rait bankar zameen par thi aai,
Ye jo zehan mein maine bune the khwab itne,
Hakeekat mein the bas unki khubsurat si parchhai.
Diye hote gar Fitre har ashiq ne mohabbat ke,
Na gayi hoti itni jaan ashiqon ki mohabbat mein,
Udhar Laila ke khwabon ko bun raha hota Majnu kahin,
Ranjha bhi is daur mein kha raha hota Heer ki kasam,
Ye hum aur tum banke Majnu jo hain udas yu baithe,
Khil rahe hote sabke chehre jo dekhte inki mohabbat ko yu khilte.
Vo sochte the unki yaad mein bikhar jaenge toot kar hum,
Unhe kya pata, unki yaad mein tadapne ka maza hi kuch aur hai.
Vo sochte the ke mayusi ke badal mein ghir jaenge hum.
Unhe kya pta gam ki syahi mein doob kar chalne ka maza hi kuch aur hai.
Vo kehte the ki in bebas aankhon mein gam ki ghata na chhane dena,
Unhe kya pata ke in motiyon ke bikhar jane mein mazaa hi kuch aur hai.
Unko lagta tha ki tanha hoke mai aasma mein chand taron ki tarah bikhar jaunga,
Unhe kya pta ke andheri rato mein kisi ka sahara ban chamakne ka maza hi kuch aur hai.
Hawaein phir se teri khusboo lekar aayi hai,
Chalte chalte mujhse door chala gya kahin tu,
Dil joro se dhadka aur saans rukne ko aayi hai,
Aaj phir se badalon mein gehri laali si chhai hai.
Subah ki keeran bhi ab madhyam ho gai,
Aakhon ke moti barish ki bunde ban aayi hai,
Dil mein jo ye tujhe pane ki chahat hai barson se,
Lagta hai aaj phir se mujhe teri yaad aayi hai.
Vo dard the shukoon the tanhai mein hamsafar the mere,
saaye ki tarah sath the,zehan me perchhai sa mere,
Aaj dil tuta to tarap ne puchha humse, kya ab bhi sath hai vo tere,
muskura kar jo palte, aansu bankar ankhon mein the vo mere.
Ek tabbassum si chamak thi teri aankhon mein,
ki tujhe us samundar ka kinara na mila,
mehfil sazi thi, bahut log the vahan,
lekin us bheed mein bhi apno ka sahara na mila.
Wo ek khat jo tune kabhi likha hi nahi,
Mai roz baith ke uska jawab likhta hoon,
Gar ke likhe the humne bhi do char khat tere liye,
lekin kya karein behti fizaon ko ghar apka na mila.
Jazire shokh mein tujhko, zamane bhar mein yu dhundha,
Dilon ki gehrai se lekar, uzale mein tujhe dhundha,
Teri parchhai ki khwahish mein bhatka dar badar yuhi,
Tere ekhlak ko pane ko, zamane bhar mein yu bhatka.