Ek ek qatre kā mujhe denā paḌā Hisāb
Khūn-e-jigar vadī.at-e-mizhgān-e-yār thā
Ab maiñ huuñ aur mātam-e-yak-shahr-Arzū
Todā jo tū ne aa.ina timsāl-dār thā
Galiyoñ meñ merī na.ash ko khīñche phiro ki maiñ
Jāñ-Dāda-e-havā-e-sar-e-rahguzār thā
Mauj-e-Sarāb-e-dasht-e-vafā kā na pūchh haal
Har zarra misl-e-jauhar-e-teġh āb-dār thā
Kam jānte the ham bhī ġham-e-ishq ko par ab
Dekhā to kam hue pa ġham-e-rozgār thā
Kis kā junūn-e-dīd tamannā-shikār thā
Aīna-ḳhāna vādi-e-jauhar-Ghubār thā
Kis kā ḳhayāl ā.ina-e-intizār thā
Har barg-e-gul ke parde meñ dil be-qarār thā
Juuñ ġhuncha-o-gul āfat-e-fāl-e-nazar na pūchh
Paikāñ se tere jalva-e-zaḳhm āshkār thā
Dekhī vafā-e-fursat-e-rañj-o-nashāt-e-dahr
Khamyāza yak-darāzi-e-umr-e-ḳhumār thā
Sub.h-e-qayāmat ek dum-e-gurg thī ‘asad’
Jis dasht meñ vo shoḳh-e-do-ālam shikār thā…