Be-dam hue bimar dava kyun nahin dete
Tum achchhe masihā ho shifa kyun nahin dete
Dard-e-shab-e-hijran ki jaza kyun nahin dete
Khun-e-dil-e-vahshi kā sila kyun nahin dete
MiT jaegi maḳhluq to insaf karoge
Munsif ho to ab hashr utha kyuun nahin dete
Haañ nukta-varo laao lab o dil kī gavāhī
Haan naġhmagaro saz-e-sada kyuun nahin dete
Paiman-e-junun hathon ko sharma.ega kab tak
Dil vaalo gareban ka pata kyun nahin dete
Barbadi-e-dil jabr nahin ‘Faiz’ kisi ka
Vo dushman-e-jan hai to bhula kyuun nahin dete