Arz-e-niyāz-e-ishq ke qābil nahīñ rahā
Jis dil pe naaz thā mujhe vo dil nahīñ rahā
Huuñ sham-e-kushta dar-ḳhur-e-mahfil nahīñ rahā
Marne kī ai dil aur hī tadbīr kar ki maiñ
Shāyān-e-dast-o-bāzū-e-qātil nahīñ rahā
Yaañ imtiyāz-e-nāqis-o-kāmil nahīñ rahā
Vā kar diye haiñ shauq ne band-e-naqāb-e-husn
Ghair-az-nigāh ab koī haa.il nahīñ rahā
Lekin tire ḳhayāl se ġhāfil nahīñ rahā
Dil se havā-e-kisht-e-vafā miT ga.ī ki vaañ
Hāsil sivā.e hasrat-e-hāsil nahīñ rahā
Jis dil pe naaz thā mujhe vo dil nahīñ rahā
Har-chand maiñ huuñ tūti-e-shīrīñ-suḳhan vale
Aīna aah mere muqābil nahīñ rahā
Jāñ-dād-gāñ kā hausla fursat-gudāz hai
Yaañ arsa-e-tapīdan-e-bismil nahīñ rahā
Huuñ qatra-zan ba-vādī-e-hasrat shabāna roz
Juz tār-e-ashk jāda-e-manzil nahīñ rahā
Ai aah merī ḳhātir-e-vābasta ke sivā
Duniyā meñ koī uqda-e-mushkil nahīñ rahā
Andāz-e-nāla yaad haiñ sab mujh ko par ‘asad’
Jis dil pe naaz thā mujhe vo dil nahīñ rahā